29 mart 2024 / 1445 رمضان 19

Lä ilähe illallahyñ fazileti. (2)

17 ýanwar 2014 / 213 Görülen

Rahman we Rahym bolan Allahyñ ady bilen.

Eşas ibni Ýuslimden rowaýat edilýär: Eşas aýtdy: Maña Mälik ibni Kinane tiresinden ýaşuly adam şeýle diýdi: Pygamberimizi (sallallahu aleýhi we sellem) Zil-Mejaz1 bazarynda gördim. Ynsanlaryñ arasynda aýlanyp: “Lä ilähe illallah diýiñ, halas boluñ we bagta ýetiñ.diýýärdi.2

Hadysdan çykan peýdalar:

1-Lä ilähe illallaha (Töwhide) dagwat etmek.

2-Lä ilähe illallah dünýäde we ahyrýetde bagtly bolmaklyga sebäpdir.

3-Pygamberimiziñ (sallallahu aleýhi we sellem) ynsanlary töwhide çagyrmak üçin eden yhlasy.

4-Bazar ýaly ynsanlaryñ jemlenişýän ýerlerinde ynsanlara nesihat etmekligiñ, dagwat etmekligiñ müstehaplygy.

Muhammed bin Merzuk ed-Dijäni: el-Erbaune hadiýsen fiý fazli Lä ilähe illallah, Takdim: Salih bin Fewzan bin Abdilläh el-Fewzan.

1- Bu jähiliýýe döwründe gurulýan göçme bazaryñ adydyr. Arafat diýilýän ýerde gurulyp, Zilhijje aýynyñ birinji gününden başlap tä sekizinji gününe çenli dowam edermiş.

2- Hadysy Ymam Ahmed rowaýat edýär. Heýsemi: Hadysy rowaýat eden kişiler, Sahyhyñ rawileridir diýýär.

Hadys we Şerh

Maglumatlary ulanmak we ýaýratmak maslahat berilýär. Emma maglumatlaryñ göçürme nusgalaryny gazanç maksady bilen gaýtadan işläp çap etmek gadagandyr.
Maglumatlary ulanylanda sahypany çeşme hökmünde görkezmek hökmandyr.