Istanbulyň fethi barada hadys barmy?

20 fewral 2015 / 7 Görülen

Allaha hamd, Pygamberimiz Muhammede salat we salam bolsun.

Sorag: Esselämu aleýkum. Hormatly dogan ilki bilen size Allah Tagaladan jan-saglyk we bu edýän işiňiz üçin sizden razy bolmagyny dileg edýärin. Pygamberimiz (sallallahu aleýhi we sellem) şeýle diýdi diýilýär: Haýsy Soltan Istanbuly basyp alsa o ne gözel Soltandyr. Bu aýdylanlar dogrumy? Şu gep barada bize maglumat beräýseňiz sizden hoşal bolardyk? Köp sag bolun!

Jogap: Waleýkum esseläm we rahmetullahi we berekatuh.

Bu hadys Ymam Ahmediň, Musned atly hadys kitabynda we başga hadys kitaplarda gelýär.

Hadysyň dogrusy şu görnüşde: Pygamberimiz (sallallahu aleýhi we sellem) şeýle diýdi:

قال رسول الله صلى الله عليه وسلم: لَتُفْتَحَنَّ الْقُسْطَنْطِينِيَّةُ فَلَنِعْمَ الْاَمِيرُ اَمِيرُهَا وَلَنِعْمَ الْجَيْشُ ذَلِكَ الْجَيْشُ

Konstantiniýýe (Istanbul) şäheri hökman feth ediljekdir. Ony feth eden emir ne gözel emirdir. Ony feth etjek goşun ne gözel goşundur.1

Konstantiniýýe Milady 1453-nji ýylda Osmanly Türkmen Soltany, Fatih Soltan Muhammet Han tarapyndan feth edildi.

Konstantiniýýeniň fethinden soňra Istanbul ady ýörgünli bolup galdy.

Allaha hamd, Pygamberimiz Muhammede salat we salam bolsun.

 

1- Ymam Ahmet, Musned. روه الإمام أحمد في مسنده.

Hadys we Şerh - Diğer İçerikler

Maglumatlary ulanmak we ýaýratmak maslahat berilýär. Emma maglumatlaryñ göçürme nusgalaryny gazanç maksady bilen gaýtadan işläp çap etmek gadagandyr.
Maglumatlary ulanylanda sahypany çeşme hökmünde görkezmek hökmandyr.