Allaha hamd, Pygamberimiz Muhammede salat we salam bolsun.

Sorag: Esselämu aleýkum.Çaý-nahardan soňra haýsy dogany okamaly? Giňişleýin edip ýazaýyň, jogabyňyzüçin öňünden sag boluň!

Jogap: Waleýkum esseläm we rahmetullahi we berekatuh.

Nahara başlaňda: بسم الله Bismilläh, diýmeli.

Terjimesi: Allah Tagalaň ady bilen.

Eger başynda unutsa: بسم الله في أوله وآخره ýadyna düşende:

Bismilläh fiý ewwelihi we ahyrihi diýsin.

Terjimesi: Başynda we soňunda Allah Tagalaň ady bilen. ¹

Islän kişi naharyň başynda bu dogany hem aýdyp biler:

اللَّهُمَّ بَارِكْ لَنَا فِيهِ ، وَأَطْعِمْنَا خَيْرًا مِنْهُ

Allahumme bärik lenä fiýhi we et'ymna hoýron minhu.

Terjimesi: Allahym buny biziň üçin bereketli kyl we bize mundan has haýyrlysyny iýdir. ²

Nahardan soňra okalýan doga:

الْحَمْدُ للهِ الَّذِي أَطْعَمَنِي هَذَا, وَرَزَقَنِيهِ مِنْ غَيْرِ حَوْلٍ مِّنِّي وَلاَ قُوَّةٍ

Alhamdulillähi elleziý et'amaniý häzä, we rozokoniýhi min goýri hawlin minniý we lä kuwwetin.

Terjimesi: Menden bir güýç-kuwwat sarp etmeden, maňa muny iýdiren we meni munyň bilen ryzklandyran Allah Tagalaga hamd-öwgi bolsun. ³⁴

Eger arapça okap bilmeýän bolsaňyz. Türkmençe okalyşyndan dälde, Arapçasyny diňläp ýat tutmagyňyz iň dogrusydyr. Çünki elipbiýde ýazylan arap harplary sözleriň manysynyň üýtgemegine sebäp bolýar.

Sesli diňläp ýat tutmagyňyz üçin salgy:

Nahardan öň okalýan doga:

http://ar.islamway.net/lesson/95584/الدعاء-قبل-الطعام

Nahardan soň okalýan doga:

http://ar.islamway.net/lesson/95585/الدعاء-عند-الفراغ-من-الطعام

Allaha hamd, Pygamberimiz Muhammede salat we salam bolsun.