Allaha hamd, Pygamberimiz Muhammede salat we salam bolsun.

Sorag: Essalämu aleýkum ve rahmatullahi ve barakatuh. Soragym şeýle kyýamatdan öñ Isa aleýhis salam geljek diýilýär, ýöne köp alymlar beýle zat Kuranda ýok diýýär. Bularyñ haýsysy dogry?

Jogap: Waleýkum esseläm we rahmetullahi we barakat.

Kyýamatdan öñ Isa aleýhis salamyñ geljekdigi Kuran aýatlary we Sahyh Buhari, Sahyh Muslimdäki hadyslar bilen sabitdir. Ähli-Sünnet we'l jemagat alymlary Isa Pygamberiň (aleýhis salam) kyýamatdan öñ geljekdigini bir agyzdan kabul edýärler.

Allah Tagala Kuran-Kerimde Isa aleýhis salam barada şeýle diýýär:

“Elbetde Ol (Isa), kyýamadyñ (haçan gopçagynyñ) bilimi-alamatydyr. Şübhe etmäñ we maña boýun boluñ çünki bu dogry ýoldur.” (Zuhruf 43/61)

Ibn Abbas, Ebu Mälik, el-Hasen, Müjähid, Katade, es-Süddi, ed-Dahhak, Ibn Zeýd we başga sahaba, tabygyn we selef alymlary, bu aýaty tefsir edenlerinde, aýatdaky habar berileniñ Isa aleýhis salamdygyny aýdyp geçendirler.

Isa aleýhis salamyñ kyýamatdan öñ geljekdigi barada sünnetden delil:

Pygamberimiz sallallahu aleýhi we sellem Sahyh Buharide rowaýat edilen hadysynda: “Allaha kasam edýärin: Merýemiñ ogly Isanyñ arañyza adalatly höküm bilen gelmegi ýakyndyr, Ol (hristianlaryñ) hajyny döwjekdir, doñuzy öldürjekdir, jizýäni aýyrjakdyr.....”

Ýokarda aýdylanlardan başgada Isa aleýhis salamyñ geljekdigi barada aýatlar we hadyslar bardyr.

Soragdaky: kyýamatdan öñ Isa aleýhis salam geljek diýilyä ýöne köp alymlar beýle zat Kuranda ýok diýýär, bularyñ haýsysy dogry? - Muny diýýän kişä alym diýilmeýär.

Sorag soran kişä nesihadymyz:

1- Hiç bir dogry we dürs akydaly ähli-sünnet alymy ýokarda soragda agzan zadyñyzy diýmez. Şonuñ üçin şuña meñzeş zatlary orta atýanlara alym diýmek dogry däldir. Yslamda: ynanjy we ýol-ýörelgesi (menheji) ähli-sünnediñ akydasyna laýyk bolan we ygtybarly alymlar tarapyndan alymlygyna pata berlen kişä alym diýilýär.

2- Isa aleýhis salamyñ kyýamatdan öñ geljekdigini kabul etmek üçin diñe Sahyh Buharidäki ýekeje hadys hem ýeterlidir.

Allaha hamd, Pygamberimiz Muhammede salawat we salam bolsun.