Allaha hamd, Pygamberimiz Muhammede salat we salam bolsun.

Sorag: Esselämu aleýkum.

Meň ýaşaýan ýerimde käwagt Käbä gidip gelýänler bolýar. Olar gelenlerinde zyýaratyna barýas welin bir suw içirýärler. Käbeden gelen diýýärler. Içmeseň hormatsyzlyk hasaplaýarlar. Bu mesela nähili garaýarsyňyz?

Jogap: Waleýkum esseläm we rahmetullahi we berekatuh.

Hajylaryň getirýän suwy, Mekkedäki zemzem çeşmesiniň suwudyr.

Pygamberimiz (sallallahu aleýhi we sellem) zemzem suwy barada:

ماء زمزم لما شرب له

“Zemzemiň suwy näme maksat bilen içilse (şol zat üçin) peýdalydyr” ¹diýýär.

Zemzem suwy hödür edilende islän içer islemeýän içmez. Hödür edilen kişi belki şol wagt içesi gelmän biler. Şonuň üçin zemzem hödürlenende içmezlik hormatsyzlyk hasaplanmaz.

Salamat boluň!